Kahalagahan ng Tamang Patubig
Ang buhay at kalusugan ng isda sa palaisdaan ay nakasalalay sa
kondisyon ng tubig. Ito ay dahil sa ang isda ay nabubuhay sa elemento ng tubig
kaya't kailangang panatilihin ang tamang kondisyon nito upang makatulong sa
mabilis na paglaki at maayos na kalusugan ng mga isda.
Ang tubig ay binubuo ng dalawang mahahalagang elemento: dalawang
parte ng hydrogen at isang parte ng oxygen. Ang hanging ay binubuo rin ng 21
porsyento ng oxygen (O2) at mahigit 70 porsyento ng nitrogen (N2). Sa
waterline, naghahalo ang hangin at tubig at hangin at nagbibigay sa tubig ng
dissolved oxygen (DO). Dahil sa ang tubig ay mayroon lamang 1% O2 limitado ang
dissolved oxygen ito.
Upang magkaroon ng tamang sangkap ng oxygen ang tubig, maraming
paraan sa paggawa ng oxygen. Ito ay maaaring sa pamamagitan ng hangin na
humahalo sa tubig (aeration). Maari ring magkaroon ng oxygen sa pamamagitan ng
photosynthesis ng mga halaman sa tubig, at ang pagkontrol ng temperatura ng
tubig. Ang natural na aeration ay matatagpuan sa palaisdaan, gayun din ang
photosynthesis. Nakokontrol din ng temperatura ang dissolved oxygen, pag mas
malamig ang tubig, mas marami ang DO at kung mas maining ang tubig, mas konti
ang DO.
Dapat nating bantayan o gawan ng paraan ang mga bagay na
nagpapaunti o nagpapababa ng dissolved oxygen sa tubig. Alalahanin na pag
walang araw, walang photosynthesis at wala produksyon ng dissolved oxygen.
Bigyang pansin din ang pagdam ng populasyon sa isang lugar dahil nagiging sanhi
ito ng kakulangan ng dissolved oxygen. Dapat ding tandaan na pag nabubulok ang
anumang bagay, kumakain ito ng dissolved oxygen.
Sa palaisdaan importante ang pagsubaybay ng
mga sumusunod:
-
Stocking density
-
Bilis ng paglaki
-
Linaw ng tubig
-
Mga natunaw na bagay
-
Hangin at aeration
-
Temperatura
-
Maaraw o maulap na panahon
Ang dami o level ng hydrogen ang tinatawag nating PH sa tubig.
Ito ang sukat ng acidity at alkalinity ng tubig. Masama ang mataas na acidity
sa tubig dahil ito ay nagiging sagabal sa paglaki ng isda. Ang acid ay
nagpapalago ng mga bacteria na humihikayat sa pagkabulok ng mga bagay o
nagpapatindi ng sugat sa mga isda. Ang sobrang alkaline sa tubig ay masama rin
dahil bumubuo ito ng ammonium.
Marami ang maaaring pagmulan ng alkaline sa tubig. Dahil sa
sobrang paglalagay ng lime at zeolite. Tumataas din ang alkalinity pag may
nabulok na bagay sa ilalim ng tubig o di aya pag sobra ang water exchange o
dissolved solids sa tubig. Ang burak o turbidity ay nagpapataas din ng alkaline
sa tubig.
Maituturing na ang kalaban natin sa pagkontrol ng tubig para sa
kalusugan ng ating isda ay ang polusyon na nagiging dahilan ng pagbaba ng
dissolved oxygen at pagkakaroon ng ammonia at nitrates.
Sa ngayon posible ng iakyat ang stocking densities sa pamamagitan
ng makabagong teknolohiya at pamamaraan. Susi ditto ay ang aeration na siyang
nagbibigay ng bagong buhay sa ating palaisdaan. May mga aeration na gumagamit
ng diffusers, high capacity blower at mayroon ding iba na tinatawag na paddle
wheel aerators. Ang sistema na paggamit nito ay makakatulong ng malaki sa
pagkokontrol ng tubig sa palaisdaan tungo sa ikalulusog at ikadadami ng ani.
|